DENOMINACIÓN D´ORIXE PROTEXIDA CANGAS


Fasteras de producción

La fastera de producción d'uva pa faer los vinos protexíos pola Denominación Cangas, tá constituyía polos tarrenos que cincando en criterios namás que téunicos, considéranse abondo aptos pa la producción d'uves cola calidá necesaria ya más tamién que tean al.lugaos nos conceyos de: Allande, Cangas del Narcea, Degaña, Grandas de Salime, Ibias, Illano, Pesoz a del.las fasteras que pertenecen al concechu Tineo.

Viticultura de monte

Nas zonas de producción de Vinos Calidables de Cangas el paisaxe yía escarrioso, montascosu ya nas súas fasteras atópanse los viñeos, en tarrenos pindios, que faen qu'el so caltenimientu y cultivu sía difícil, heroicu. Visitar esta fastera yía remontase al pasáu: montes ya viñeos centenarios, oficios tradicionales…. Un amiestu de tradición ya evolución que na viticultura quier dicir viñeos mimaos pa algamar una materia prima de primera calidá.

Asturias pertenez al territoriu calificáu como Viticultura de Monte pol CERVIM (Centru d'Investigación, Estudiu, Salvaguarda, Coordinación ya Valorización de la Viticultura de Monte) una exclusividad que nel territoriu español solo tienen el Vinu Cangas, la D. O. Ribeira Sacra ya la D.O. Priorat.

El Viñéu de monte calterizase por:

• Cultivu de la viña nas fasteras de monte que tán darriba los 500 metros enriba'l nivel del mar.
• Cultivu en pindiu, tarrén con más del 30% de cayente.
• Viñeos en estaxos ya tabladas pequenas.
• Viñas en terrazas de cultivu.

Los territorios que tienen viñeos de monte, tienen tamién calterísticas asomeyadas, que nos faen falar de "viticultura heroica":

• Orografía que torga la mecanización.
• Viñas de pouca superficie, dacuando arramadas, ya muitas vegadas entamadas en terrazas de cultivu.
• Esplotaciones con pequena superficie de cultivu, ya nas que la so actividá agrícola nun constitúi la renta económica principal.
• Necesidá d'inversiones económicas abegosas pa modernizar los cultivos.
• Condiciones climáticas adversas
• Variedaes d'uva esclusivas, con producciones enolóxiques estremadas de los modelos mundiales.
• Las viñas tán en zonas xeográficas con paisaxes perguapos ya con calter turísticu.